“National Geographic Azərbaycan” jurnalının 2-ci sayı artıq satışda!

Dərginin satış qiyməti 4 manat təşkil edir

“National Geographic Azərbaycan” jurnalı Azərbaycan ictimaiyyətində yaxşı mənada səs-küy salmış ilk nömrəsindən sonra ikinci, yəni oktyabr buraxılışını oxucuların ixtiyarına verir.

Jurnalın bu sayında spinozavrlar haqqında tədqiqat, Frans İosif Torpağında aparılan araşdırmalar, astrobioloqların Yerdən kənarda həyat axtarmaq səyləri, breton qadınların fərqli baş geyimləri, nüvə turizminin inkişaf etdirilməsi haqqında böyükhəcmli və müxtəlif mövzularda xeyli sayda kiçikhəcmli məqalələri oxuya bilərsiniz.

Onu da qeyd etmək istərdik ki, jurnalın bu sayı da hər zamankı kimi gözoxşayan, düşündürücü və təsirli fotoşəkillərlə boldur.

Xatırladaq ki, dünyaca məşhur “National Geographic” brendi Azərbaycana 2014-cü ilin mart ayında “Garant Media Holding”in təşəbbüsü ilə gətirildi və “National Geographic Azərbaycan” jurnalı ilk buraxılışını sentyabrın 1-də Heydər Əliyev Mərkəzində təntənəli şəkildə təqdim etdikdən sonra dərgi ölkənin bütün satış nöqtələrinə çıxarıldı.

Jurnalı istənilən satış nöqtəsindən ala bilməklə yanaşı, ona həm də abunə olmaq mümkündür.

Dərginin satış qiyməti 4 manat təşkil edir. Bu qiymətə Azərbaycanın istənilən nöqtəsinə çatdırılma da daxildir. Jurnala 012 563 56 25 (daxili nömrə 302) telefon nömrəsi ilə zəng edib abunə yazılmaq olar.

Ölkə.Az