Əlilliyi və qayğıya ehtiyacı olan insanlara həsr olunmuş "Bakı Film Festivalı 2015" keçiriləcək

Azərbaycanda ilk dəfə olaraq "Əlilliyi və qayğıya ehtiyacı olan insanlara həsr olunmuş Bakı Film Festivalı 2015" adlı layihə keçiriləcək.

Layihənin həyata keçirilməsində əsas məqsəd ölkəmizdəki əlillərin cəmiyyətə inteqrasiyasının təşkil olunmasında yardımçı olmaq,əlillərin müasir dövrümüzdə qarşılaşdıqları problemlərin qabardılması və bu problemlərin həlli yolunu tapmasında vasitəçi olmaq,həmçinində filmlər vasitəsilə sağlam insanların, ailələrin əlil və qayğıya ehtiyacı olan insanlara qarşı necə davranacaqlarını aşılamaq və gələcəkdə onların özlərində bu kimi hallar yaşananda öncədən tədbir almalarını və situasiyadan çıxış yolunu tapmalarına nail olmaqdır. Festivala təqdim olunmuş filmlər peşəkarlardan ibarət münsiflər heyəti tərəfindən qiymətləndiriləcək.

Sonda qaliblər və digər iştirakçılar diplom, sertifikat və qiymətli hədiyyələrlə mükafatlandırılacaqlar. Festivala son iki ildə çəkilmiş maksimum 15 dəqiqəlik qısametrajlı bədii filmlər və sosial çarxlar təqdim oluna bilər. İşlərin təqdimatı üçün son tarix 1 iyul 2015-ci ildir.

Ölkə.Az