Azər Qəribov: "Sən şərəfsizsən, Müşfiq!"

Tanınmış aparıcı, telejurnalist Azər Qəribovun sosial şəbəkələrdə yazdığı bir status böyük marağa səbəb olub.

Öz "Facebook" hesabında başına gələn hadisəni qısa bir mətnlə təsvir edən usta telejurnalist əslində sosial təbəqələşmənin cəmiyyətimizə necə təsir etdiyinin şahidi kimi bu sözləri yazıb. Bu günümüzün iyrənc reallığıdır və bununla hər birimiz qarşılaşa bilərik. Hər birimiz vətəndaş cəmiyyəti quruculuğunda fəal iştirak etməliyik ki, bu hadisələr bizim, digər sadə vətəndaşlarımızın və gələcəkdə övladlarımızın başına gəlməsin. İlk baxışda fəlakət kimi görünməyən hadisə əslində cəmiyyətin təbəqələri arasındakı uçurum dərinləşdiyini və getdikcə böyüdüyü göstərir.

Ölkə.az usta telejurnalistin sosial şəbəkədə yazdığı qısa statusu olduğu kimi diqqətinizə çatdırır.

O gün yeri deyildi, bu gün danışacam...

Mayın 22-də yaxınlarımla birlikdə qapalı bir yerdə ad günümü qeyd etmək istədim. Həyat kabab restoranına zəng edib tez-tez oturduğum bir kabineti sifariş etdim. Sifarişimi qəbul və təsdiq etdilər. Axşam yığışıb getdik ora. İçəri girəndə restoranın inzibatçısı ndedi ki, "Sizin otağı vermişəm başqa bir adama. Elə bir adamdır ki, "otkaz" edə bilmədim". Yəni həmin adama "bu otaq artıq sifariş edilib" deməyə cəsarəti çatmayıb. Beləliklə biz, 77 yaşlı anam başda olmaqla Həyat restoranını tərk edib başqa yer axtarmalı olduq.

Buradan üzümü o Müşfiq adlı inzibatçıya tutub deyirəm, o gün dedim üzünə, yenə də deyirəm ki, restoranın sahibləri də bilsinlər, digərləri də, ÜSən nakişisən, sən şərəfsizsən!"

Mən o "otkaz" edə bilmədiyin adamın kimliyini öyrəndim. Əgər o bilsə ki, sən ona görə mənim ad günümü haram etdin, 77 yaşlı ağbirçək arxadı qapıdan qaytardın, o, özü sənin üzünə tüpürər.

Bir daha deyirəm, sən şərəfsiz bir məxluqsan və bu təhqiri udacaqsan, çünki onu udmamaq üçün kişinin gərək mərdliyi və ləyaqəti olsun. Onların isə heç biri səndə yoxdur!

Bu qədər...

İmza: Qəribov Azər