Baş prokuror "NİDA"çılardan danışdı

“Gec-tez bizim gənclərimiz də başa düşürlər ki, səhv yolda olublar və sözsüz, bununla bağlı müəyyən qərar qəbul olunacaq. İndi “NİDA”çı gənclər də əfv olunmaq üçün Prezident İlham Əliyevə müraciət ediblər. Sözsüz ki, bu barədə cənab prezident qərar qəbul edəcək. Həbsdə olan “NİDA”çıların əfvi prezidentin səlahiyyətində olan məsələdir”. 

Bu baradə Baş prokuror Zakir Qaralov həbsdə olan “NİDA”çıların prezident İlham Əliyevə müraciət etməsi məsələsinə münasibət bildirərkən jurnalistlərə blə deyib.

Qeyd edək ki, bu gün Azərbaycanda prokurorluq işçilərinin peşə bayramıdır. Bu münasibətlə Baş prokuror Zakir Qaralov və prokurorluğun digər rəhbər işçiləri əvvəlcə Fəxri Xiyabanda Heydər Əliyevin məzrını ziyarət ediblər. Daha sonra prokurorluq işçiləri Şəhidlər Xİyabanında şəhidlərimizin məzarlarını ziyarət ediblər. Şəhidlərimizin məzarları üzərinə gül dəstələri qoyulub.

Daha sonra Zakir Qaralov jurnalistlərlə görüşərək, onları maraqlandıran sualları cavablandırıb./Anspress/

Ölkə.Az