Təhsil nazirinin müşaviri müəllimlərə çağırış etdi

Ölkə.Az xəbər verir ki, bunu təhsil nazirinin müşaviri Rüstəm Ağayev deyib. O bildirib ki, bəzi məntəqələrdə sıxlıq yaranmasını nəzərə alaraq təhsil işçilərini vaksinasiyaya cəlb etmək üçün ayrıca vaksin məntəqələri yaradılıb:

“Çağırış edirik ki, kim vaksin olunmayıbsa, bu məntəqələrə gəlsin və rahat şəkildə peyvənd olunsun”.

Müşavir bildirib ki, vaksin məntəqələri təkcə təşkil edildiyi məktəbin müəllimləri üçün yox,  həm orta məktəbdə, həm də ali və orta ixtisas təhsili müəssisələrində çalışan müəllimlər üçün nəzərdə tutulub.

Qeyd edək ki, Təhsil Nazirliyi və İcbari Tibbi Sığorta üzrə Dövlət Agentliyi birgə olaraq Bakı şəhəri üzrə 14, 56, 129, 158 və 276 nömrəli tam orta məktəblərdə təhsil işçilərinin vaksinasiyasını həyata keçirəcək. 

Billurə Yunus