Milli Məclisdə soyad qalmaqalı
Parlamentin payız sessiyasının ilk iclasında millət vəkili Sabir Rüstəmxanlı soyad sonluqlarının dəyişdirilməsi ilə bağlı qanun layihəsinin hələ də qəbul olunmamasına etiraz edib
O bildirib ki, Azərbaycan illərdir ki, müstəqildir. Niyə hələ də soyadların milliləşdirilməsi ilə bağlı qanun qəbul edilmir: “Biz ruslara birləşənə kimi soyad sonluqlarımız yox idi? Niyə hələ də soyadların milliləşdirilməsi ilə bağlı qanun qəbul etmirik?”
Millət vəkilinin etirazına vitse-spiker Ziyafət Əsgərov sərt reaksiya verib. Z. Əsgərov qeyd edib ki, indi valideynlərin çoxu uşaqlarının familiyalalarının sonluğunu dəyişirlər: “Bu məqamda dövlətdə heç bir problem yoxdur. Bunun üçün dövlət hər bir şəraiti yaradıb. Problem bundadır ki, sözügedən məsələdə nümunə ola biləcək ziyalılar sadəcə nümunə göstərmirlər. Yoxsa Məclis, qanun neyləsin buna? Kim istəyir, könüllüdür, soyadını dəyişsin də. Nə problem var ki?”./Qafqazinfo/
Ölkə.Az
