Azərbaycanda hər gün 76 abort edilir
Bu yalnız rəsmi məlumatdır...
Baxmayaraq ki, XXI əsrdə yaşayırıq, əksər qadın və kişilər kontraseptiv vasitələr metodlarından, bəziləri isə bu vasitələrin təcrübədə tətbiqindən xəbərsizdirlər. Kontraseptiv vasitələrdən istifadədən etiraz isə cinsi yolla ötürülən xəstəliklər və arzuolunmaz hamiləliklə nəticələnə bilər. Arzuolunmaz hamiləik isə abort ilə sona çatır, amma bəzi qadınlar hamiləliyi dayandırmayıb uşağı dünyaya gətirir və ondan xəstəxanada imtina edirlər.
Statistika üzrə Dövlət Komitəsinin məlumatına əsasən 2013-cü ildə Azərbaycanda 27892 abort həyata keçirilib, yəni 15 yaşından 49 yaş kateqoriyasında olan hər 1000 qadına 10,4 abort düşür. Yeri gəlmişkən deyək ki, abortlar əsasən 30-34 yaş arası olan qadınlarda müşahidə edilir. Ölkəmizdə hər gün 76 abort edilir, bu rəsmi qeydiyyatdan keçən hallardır, qeyri-rəsmi məlumata görə bəzi müstəqil ekspertlər hesab edir ki, bu rəqəm iki və hətta üç dəfə artıqdır.
“Son zamanlar Azərbaycanda abortların sayı artdığını görürük, amma bu əməliyyatların sayının artması ilə deyil, sadəcə tibb müəssisələrində yerinə yetirilən bütün prosedurların qeydiyyatı sisteminin ciddiləşməsi ilə əlaqədardır”.
Ölkə.Az “Exo” qəzetinə istinadən xəbər verir ki, bu barədə Azərbaycan mamalıq və gnikologiya İnstitutunun gnikoloqu Leyla Məmmədova bildirib.
Onun sözlərinə görə tibb müəssisələrinin monitorinqləri gücləndirilib, ona görə də qeydiyyatsız abortların sayı azalıb.
“Əlbəttə təəssüf ki, belə abortlar var, amma nazirlik onların sayının minimuma çatdırılması üçün hər şey edir. Rəsmi statistikanı deyə bilməməmyimizin başqa bir səbəbi isə açıq satışda əldə edilməsi mümkün olan preparatlara görədir. Onları qəbul edərək qadınlar süni yolla abort vəziyyəti yaradırlar. Deyə bilərsiz ki, satılan medikamentlərə görə hesablamaq olar, amma elə deyil. Çünki bu preparatlar qastroenteroloji məqsədlə satılır, ona görə də onları kimin mədə müalicəsi kimin isə abort üçün istifadə etdiyini müəyyənləşdirmək mümkün deyil”, - L.Məmmədova deyib.
Abortların nəticəsində ölüm hadisələrinə gəldikdə isə həmsöhbətimiz bildirdi ki, xoşbəxtlikdən bizim ölkəmizdə belə fakt yoxdur, bir neçə il öncə bir belə hadisə qeydə alınıb, amma sonradan aydınlaşdırılıb ki, ölümün səbəbi qadının digər bir xəstəlikdən əziyyət çəkməsi olub.
Səhiyyə Nazirliyinin ictimai səhiyyə və islahatlar Mərkəzinin standartlar şöbəsinin həkim-metodisti Teymur Hüseynovun “Exo”ya bəyan etdiyi kimi ölkəmizdə abortların sayı getdikcə artır və bununla mübarizə aparmaq getdikcə çətinləşir və bunun bir neçə səbəbi var:
“Bu vəziyyətin əsas səbəbi dövlətin bu məsələyə yetərincə diqqət ayırmamasıdır. Cari problem yalnız beynəlxalq təşkilatlarla lobbiləşdirilir. Ölkəmizdə USAİD-in reproduktiv sağlamlığa həsr edilmiş layihəsi həyata keçirilib. Fikrimcə, reproduktiv sağlamlıq sahəsində gözəçarpacaq nəticələr əldə etmək üçün problemə qısamüddətli birdəfəlik aksiyaların deyil, problemə daimi diqqətin cəlb edilməsi vacibdir. Dövlət bu problemin həllini öz əlinə almayınca, çox az şey dəyişəcək”, - ekspert deyib.
Qeyd edək ki, hər 100 hamilə qadına 30 abort düşür, bu isə yüksək göstəricidir və bu temp davam edərsə, çətin ki, sosioloqların 2050-ci ildə Azərbaycan əhalisinin sayının 12 milyona çatacağı barədə proqnozu düz olsun.
Ölkə.Az
