Komitə sədri: “Prezident Ermənistanın Azərbaycana qarşı ekoloji terrorunu beynəlxalq səviyyədə ifşa etdi”

“Ermənistan Azərbaycana həyata keçirdiyi işğalçılıq siyasəti zamanı təkcə azərbaycanlılara qarşı soyqırım, terror törədib, yaşayış məntəqlərini, milli-mədəni, dini, tarixi abidələrini məhv etməyib, eyni zamanda ekoloji terror həyata keçirərək, bölgədəki ekoloji tarazlığı pozub. O baxımdan da Azərbaycan Prezidenti cənab İlham Əliyevin BMT Baş Assambleyasının  76-cı sessiyasında hökumət başçıları səviyyəsində keçirilən illik ümumi müzakirələri zamanı  Ermənistanın   ekoloji tarazlığı pozması ilə bağlı məsələni beynməlxalq aləmin diqqətinə çatdırmaqla  ermənilərin hansı xislətə malik olmasını dünya birliyinə nümayiş etdirib, onların iş üzünü ifşa etmiş oldu”.

 

Bunu “Ölkə.Az”a açıqlamasında Milli Məclisin Təbii ehtiyatlar, energetika bə ekologiya komitəsinin sədri Sadiq Qurbanov deyib.

 

Komitə sədri deyib ki, cənab  Prezident Ermənistanın ekeoloji tarazlığı pozulması ilə bağlı beynəlxalq qanunverciliyə hayqırı  nümayiş etdirərək Azərbaycanın keçmiş işğal edilmiş ərazilərində ekosisteminə qarşı genosid törədib. “İşğal dövründə meşələrimizin 60 min hektarı məhv edilib, kəsilib və oğurlanıb, torpaqlarımız və çaylarımız çirkləndirilib və zəhərlənib. İşğal altında saxladığı ərazilərdəki su ehtiyatlarından Azərbaycana qarşı süni ekoloji fəlakət yaratmaq üçün istifadə edib. Ermənistanın insanlığa sığmayan bu hərəkətinə etiraz olaraq 2016-cı ildə Avropa Şurası Parlament Assambleyası “Azərbaycanın cəbhəboyu rayonlarının sakinləri qəsdən sudan məhrum edilir” adlı qətnamə qəbul edərək, Ermənistan hökumətindən su ehtiyatlarından siyasi təsir və ya təzyiq aləti kimi istifadəsinə son qoyulmasını tələb edib. Ancaq Ermənistan  beynəlxalq təşkilatların işğalçılıq siaysətinə son verməsi ilə bağlı qəbul etdiyi qətnamələrə, qərarlara və digər sənədlərə məhəl qoymadığı kimi AŞPA-nın həmin qətnaməsinə qətiyyən məhəl qoymadı.  Sərsəng su anbarını humanitar və ekoloji terrorizm aləti kimi istifadə etməyə davam etdi. Ermənistan qəsdən qış aylarında su anbarını açaraq ətraf ərazilərdə daşqın törədir, yay aylarında isə suyu kəsərək keçmiş cəbhəyanı bölgədə yaşayan insanları və təsərrüfatları sudan məhrum edirdi.

 

Bundan başqa Ermənistan transsərhəd Oxçuçay çayını kəskin şəkildə çirkləndirir və bu proses bu gün də davam etməkdədir.  Bu isə çayın Azərbaycan ərazisi boyu keçdiyi ərazinin ekoloji sistemini bərpa olunmaz deqradasiyaya məruz qoyur. Təəssüflər olsun ki, bəzi xarici şirkətlər də bu ekoloji cinayətdə iştirak edir. Azərbaycan tərəfi bununla bağlı beynəlxalq ictimaiyyəti və təşkilatlar qarşısında məsələ qaldırıb soso həyəcanı çalsa da, hələ də nəticəsi yoxdur. 

Ermənistanın Azərbaycanın ekosisteminə vurduğu ziyan bununla bitmir. İşğal altında olan ərazilərimizdə qanunsuz olaraq təbii sərvətlərimizi, o cümlədən qızıl və digər qiymətli metal və mineralları istismar edərək, xarici bazarlara çıxarıb.  Ermənilərin ekeosistemə qarşı terror hadisəsi 44 günlük müharibə dövründə də davam edib. Belə ki, həmin zaman düşmən fosfor bombalarından istifadə etməklə meşələrin kütləvi qırğınına səbəb olub.  İşğal altında olan əraziləri tərk edərkən  Kəlbəcərdə yüzlərlə hektar meşəni məvh ediblər”- komitə sədri qeyd edib.

 

Komitə sədri onu da bildirib ki, Prezident İlham Əliyev çıxşında Ermənistanın ərazilərimizdə qanunsuz olaraq təbii sərvətlərimizi, o cümlədən qızıl və digər qiymətli metal və mineralları istismar etmiş, onları xarici bazarlara ixrac edən müxtəlif ölkələrdən olan xarici şirkətləri müəyyən edildiyini  və onların qarşı hüquqi müstəvidə  cəzalandırlacağını da dilə gətirib:

 

“Cənab Prezident qeyd edib ki,  artıq həmin şirkətlər müəyyənləşib və onlara qarşı hüquqi tədbirlərə başlanılıb. Onlar bu əməllərinə görə, beynəlxalq məhkəmlərdə cavab verməli olacaqlar. Odur ki, cənab Prezident İlham Əliyev BMT-nin 76-cı sessiyasındakı  dərin məzmunlu çıxışının ekoloji  aspektlərini aşağıdakı kimi qruplaşdırmaq olar. 

 

1) İşğal nəticəsində regionun ekoloji tarazlığının pozulması.

2) Azərbaycanın təbii sərvətlərinin qanunsuz istismarı.

3) Təbii sərvətlərin qanunsuz istismarında xarici şirkətlərin iştirakının müəyyən edilməsi və onlara qarşı hüquqi prosedurların həyata keçirilməsi.   

 

Hesab edirik ki, Prezidentin bütün çıxışları kimi beynəlxalq tribunadan səsləndirdiyi bu proqram xarakterli çıxışı Azərbaycanda ekoloji tarazlığın bərpa edilməsinin istiqamətlərini düzgün müəyyənləşdirməklə bərabər Azərbaycanın vaxti ilə işğal altında olan ərazilərində ekoloji cinayətlərdə iştirak etmiş xarici şirkətlərin cəzalandırılmasına nail olacayıq”.  

 

 

 

QEYD: Bu material MEDİA Agentliyinin maliyyə yardımı əsasında "ekologiya və ətraf mühitin mühafizəsi" mövzusu ilə əlaqədar dərc olunub.