Ermənilər belə düşünür: “Azərbaycan nə deyirdisə, etdi” - VİDEO

“BBC News Azərbaycanca” II Qarabağ müharibəsinin ildönümü ilə bağlı İrəvanda əhali arasında sorğu keçirib. “Qafqazinfo” xəbər verir ki, videosüjetdə ermənilər məğlubiyyəti çox ağır yaşadıqlarını, bunun onlar üçün dəhşət olduğunu vurğulayırlar.  Onlar ötən bir ili yaşamadıqlarını, məğlubiyyətlərini millət üçün rüsvayçılıq kimi qiymətləndirirlər.

Yerevanda İkinci Qarabağ müharibəsinin bir illiyi ilə bağlı nə düşünürlər?

Ölkə.az xəbər verir ki, sakinlərdən biri vətənlərinin get-gedə kiçildiyini, şəhərlərinin boş qaldığını, nə etsələr də əvvəlki şadlıqlarının qalmadığını qeyd edirlər. 

“Millət qapanıb, amma düşünmür ki, bu millət üçün faciədir. Azərbaycan necə deyirdisə, onu da etdi. Ancaq bizimkilər rusları düşünürdü. Rus həmişəki kimi öz müttəfiqinin hayına yetmədi”-deyə sakinlərdən biri bildirib.