“Göyqurşağı” Uşaq Festivalı keçirildi

1 iyun Uşaqların Müdafiə Günü münasibətilə Qaradağ rayon Sahil qəsəbəsi Mərkəzi parkında AEGEE-Bakı, Adrenaline Extreme Clubun təşkilatçılığı ilə “Göyqurşağı” Uşaq Festivalı keçirilib. Tədbirdə Qaradağ Rayon İcra Hakiminin birinci müavini Emil Abbasov iştirak edib. Uşaqların ölkənin gələcəyi olduğunu qeyd edən müavin bayram münasibətilə onları təbrik edib.

Festival UNİCEF, Heydər Əliyev Mərkəzi, Hugs, Milla, Veysəloğlu şirniyyatın dəstəyi ilə baş tutub. Tədbirdə məktəblilər, uşaq evləri və baxçalarda olan uşaqlar iştirak edib. Keçirilәn müxtəlif yarışmalarda hədiyyələr qazanılıb.

Qeyd edək ki, özündə Avropanın 43 ölkəsini, 240 şəhərini və 15.000-dən çox gəncini birləşdirən AEGEE-Avropanın, Bakıdakı yerli nümayəndəliyidir. Təşkilatın əsas məqsədi Avropada gənclər arasında mədəni mübadilə həyata keçirməklə tolerant və açıq cəmiyyətlərin inkişafına nail olmaqdır. AEGEE-Bakı 2004-cü ildə fəaliyyətə başlayıb və 1500-dən çox yerli tələbələr müxtəlif layihələrә cəlb edilib. Təşkilatı avqustun 10, 2007 (qeydiyyat nömrəsi 1107-Q19-2432) üzrə Ədliyyə Nazirliyi qeydiyyata alıb və əsas məqsədi Azərbaycan və Avropa tələbələri arasında əməkdaşlığın yaradılması ilə Avropa ideyalarını təbliğ etməkdir.

Ölkə.Az