Gənclər beynəlxalq münasibətləri araşdıracaq
“Araşdırma GƏNCləşir” layihəsinin ilk müsahibə mərhələsi baş tutub
Ölkə.Az xəbər verir ki, Azərbaycan Respublikası Prezidenti yanında Gənclər Fondunun maliyyə dəstəyi, Yeni Azərbaycan Partiyası Gənclər Birliyinin təşkilatı dəstəyi ilə həyata keçirilən "Araşdırma GƏNCləşir" layihəsinin ilk müsahibə mərhələsi uğurla həyata keçirilb.
27 sentyabr tarixində YAP Gənclər Birliyinin baş ofisində layihənin ilk müsahibə mərhələsinə elektron qeydiyyatdan uğurla keçmiş 25 nəfər gənc dəvət olunaraq özünü sınayıb. Müsahibədən sonra layihəyə vəsiqə qazanmış iştirakçıların bir qismi məlum olub. Qarşıdakı həftə elektron qeydiyyatdan uğurla keçmiş digər gənclər müsahibə üçün YAP GB-nın baş ofisinə dəvət olunacaq.
Xatırladaq ki, Layihə Azərbaycan gəncliyinin dünyaya inteqrasiya və qloballaşma dövründə beynəlxalq münasibətlərdə baş verən hadisə və prosesləri dərindən araşdırmasına xidmət edir .
Layihə rəhbəri Güllü Eldarzadə bildirib ki, əsas məqsəd beynəlxalq münasibətlərdə münaqişə və problemlərin araşdırılması istiqamətində gənclərin bilik və bacarıqlar əldə etməsinə töhvə vermək və bu sahədə bacarıqlı, istedadlı gənclərimizin üzə çıxarılmasına nail olmaqdır.
Ölkə.Az
