Ermənilər azərbaycanlı girovların vəkilinin adını açıqladı

Ermənistan Silahlı Qüvvələrinin girov götürdüyü və Dağlıq Qarabağdakı separatçı rejim tərəfindən qondarma məhkəmə qarşısına çıxarılacaq azərbaycanlı girovlar Şahbaz Quliyevlə Dilqəm Əsgərovu müdafiə edəcək vəkilin adı açıqlanıb

Bu vəkil əslən Qarabağdan olan  Arkadi İsraelyandır. Onun verdiyi məlumata görə, azərbaycanlı girovlarla görüşüb, ancaq istintaq marağına görə əlavə heç nə deməyib.

Dilqəm Əsgərov və Şahbaz Quliyev bu il iyulun əvvəlində işğal altındakı Kəlbəcərdə qalan ata-baba yurduna gedərkən girov götürülüblər, separatçı rejim onları təxribatda ittiham edərək barələrində cinayət işi açıb. Onlarla birlikdə getmiş digər azərbaycanlı Həsən Həsənov isə ermənilər tərəfindən öldürülüb./Modern.az/

Ölkə.Az