“Apple” əyilən “iPhone 6”larla bağlı qərar verdi

Hər iki yeni telefon alüminium çərçivə ilə təchiz edilib

Apple” şirkəti “iPhone 6 Plus” istifadəçilərinin tənqidlərinə rəsmi cavab verib. Tənqid edənlər iddia edirlər ki, yeni smartfon, hətta kiçik qüvvənin təsiri ilə öz formasını dəyişə bilər.

“Apple” şirkətindən bildirilib ki, bu problem üzrə doqquz müraciət qeydə alınıb. Korpus son dərəcə nadir hallarda əyilir. Bu haqda Kaliforniya nəhənginin bəyanatına istinadən “Bloomberg” agentliyi yazıb.

Şirkətin nümayəndəsi, həmçinin deyib ki, hər iki yeni telefon alüminium çərçivə ilə təchiz edilib. Alüminium çərçivə əlavə möhkəmlik üçün normal istifadə zamanı korpusun deformasiyasının qarşısını alan xüsusi tərkib tərəfindən emal edilib. “Apple” əyilən telefonları yenisi ilə dəyişməyə söz verib./İctnews.az/

Ölkə.Az