Cəbhədəki tualetsiz məktəb

Tərtərin Həsənqaya kəndində yerləşən 127 saylı Kəlbəcər köçkün orta məktəbi 22 şagirddən ibarətdir.

Yerli sakinlərin sözlərinə görə, demək olar ki, ibtidai məktəbdə dərs keçirilmir.

Gündəlik olaraq məktəbdə yalnız 1-2 müəlim və üç-dörd şagird olur.

Ən acınacaqlısı isə budur ki, ərazidə 15 ilə yaxındır fəaliyyət göstərən məktəbə ayaqyolu tikən yoxdur. Uşaqlar və müəllimlər ehtiyaclarını ödəmək üçün müharibə zamanı dağılan tikililərdən istafadə edirlər. Yay aylarında isə antisanitariya və üfünət iyindən məktəbin həyətində durmaq mümkün olmur.

Qeyd edək ki, ayaqyolusu olmayan təhsil ocağı 25 kəlbəcərli ailənin məskunlaşdığı ərazidə fəaliyyət göstərir. (qafqazinfo)

Ölkə.Az