Fərid Şahbazlı: "Bu Azərbaycanın prinsipial mövqeyidir"

Almaniya Bundestaqının üzvü, Xristian-Demokrat Partiyasından olan deputat Manfrend Qrund Azərbaycanın “qara siyahı”sına daxil edilib.

Xatırladırıq ki, bu yaxınlarda Azərbaycanın Ermənistan tərəfindən işğal olunmuş ərazilərinə Bakıdan icazəsiz səfər edən və Dağlıq Qarabağdakı separatçı rejimin nümayəndələri ilə görüşlər keçirən M. Qrund Azərbaycan qanunlarına və beynəlxalq hüquq normalarına hörmətsizlik edib.

Bu məsələni İslahatçı Gənclər İctimai birliyinin sədri Fərid Şahbazlı Ölkə.az-a şərh edib.

"Almaniya Bundestaqının üzvü, Xristian-Demokrat Partiyasından olan deputat Manfrend Qrundun Azərbaycanın “qara siyahı”sına daxil edilməsi atılması zəruri olan addımdır. Azərbaycan dəfələrdə bəyan edib ki, ölkəmizin Ermənistan tərəfindən işğal olunmuş ərazilərinə Bakıdan icazəsiz səfər edən, Dağlıq Qarabağdakı qondarma, separatçı rejimin nümayəndələri ilə görüş keçirən hər kəs Azərbaycan qanunvericiliyini və beynəlxalq hüquq normalarını pozmuş olur. Belə olan halda şübhəsiz ki, həmin şəxslər Azərbaycan dövlətinin “qara siyahı”sına daxil edilir. Bu Azərbaycanın prinspial mövqeyidir. Ölkəmizin beynəlxalq səviyyədə tanınan ərazilərinə dövlətin icazəsi və razılığı olmadan səfər edən hər kəsi bu faktla üz-üzə qalacaq".

Ölkə.az