Ağcabədidə nə baş verir?

Ağcabədi sakinləri tərəfindən göndərilən məlumata görə, rayon icra başçısı Şahin Məmmədovla şəhər icra nümayəndəsi Aqil Əliyevin rəhbərliyi altında bəzi küçələrdə səkilər əsaslı təmir edilib

Bununla da Ağcabədi şəhər N.Abdullayev, 28 May, Z.Adıgözəlov, H. Hacıyev, Ə.Bünyadov, Ə.Muxtarov, Qarabağ, Xətai, X.Şuşinski, Y.Məmmədov, M.Mütəllimov, E.İsmayılov küçələrində, Ü.Hacıbəyov prospektində yeni salınan səkilər və H.Əliyev meydanına döşənən tamet işlərində külli miqdarda vəsaitin təyinatından yayındırıldığı da iddia olunur. 

Məlumata görə, adıçəkilən küçə və prospektlərə ümumilikdə 16500 kv.metr tamet döşənib. 

Mənbəmiz qeyd edir ki, rayonun daxili büdcəsi hesabına salınan səkilərə və tamet işlərinə təxminən 700 min manatdan çox vəsait xərclənib. İddiaya görə, döşənən tametlərin isə birbaşa Şahin Məmmədova məxsus olduğu deyilən və rayon Subartezan Quyularının İstismar İdarəsinin həyətində fəaliyyət göstərən tamet sexindən alınıb. Bundan əlavə, həmin ərazidə 14000 kv.metr daş hasar hörülüb, 12000 kv.metr isə suvanma işləri aparılıb. 

Mia.az-a verilən məlumata görə, müvafiq sənədlərdə daş hasarın hər kvadratını 11 manata hördürülməsi,  onun suvağının isə 6 manata vurulması qeyd olunub. Əslində isə çəkilən hasar üçün işçilərə 1 kvadrata görə 4-5, suvağa görə isə 2-3 manat pul verilib. 

Məlumatda o da bildirilir ki, hazırda icra başçısı Şahin Məmmədovla icra nümayəndəsi digər küçə və prospektləri abadlaşdırırlar, rayon mərkəzində yeni səkilər salınır, yeni hasarlar çəkilir. Rayon sakinləri isə bu işlərə sərf olunan vəsaitlərə nəzarəti gücləndirilməsini arzulayırlar. 

Məsələ ilə bağlı rayon rəsmilərinin mövqeyini də dinləməyə hazırıq. /Mia.az/

Ölkə.Az