Müəllim və valideynlər dinləndi

Pirallahı rayonunda səyyar qəbul keçirilib

Bakı Şəhəri üzrə Təhsil İdarəsindən Ölkə.Az-a verilən məlumata əsasən, Təhsil İdarəsi tərəfindən yeni tədris ilindən başlayaraq keçirilən səyyar qəbullar davam edir. Nəsimi və Qaradağ rayonları üzrə vətəndaşların qəbulundan sonra sentyabrın 20–də Pirallahı rayonu üzrə səyyar qəbul keçirilib.

243 saylı məktəbdə keçirilən səyyar qəbulda Pirallahı və Çilov qəsəbələrində yerləşən 131, 168, 186, 235, 243, Zirə qəsəbəsində yerləşən 122, 120, 241, 324, Gürgan qəsəbəsində yerləşən 231 saylı məktəblərin və 29 №li Uşaq Yaradıcılıq Mərkəzinin müəllim və valideynlərinin müraciətləri dinlənilib.

Səyyar qəbul saat 10:00 – da başlayıb və vətəndaşların müraciəti bitənədək davam edib. Pirallahı rayonu üzrə 18 müraciət qəbul edilib. Əsas müraciətlər məktəblərin təmir edilməsi, istilik sisteminin təşkili, bufetlerdə isti yeməklərin verilməsi, siniflərin dərs proqramlarıının yüngülləşdirilməsi, kitabxanada dərsliklərin çatışmazlığı və rayon üzrə kursların açılmasının təşkili ilə bağlı olub.

Müəllim və valideynləri narahat edən bu kimi məsələlər BŞTİ - nin rəhbər şəxsləri tərəfindən diqqətlə dinlənilib və İdarənin struktur bölmələrinə müvafiq tapşırıqlar verilib.

Ölkə.Az