Vətəndaşlarımızın xaricdə işləmələrində fiziki şəxslərin vasitəçiliyi qadağan edilir

Azərbaycan vətəndaşlarının xarici ölkələrdə işə düzəlmələri qaydalarında dəyişiklik edilir

Bu gün Milli Məclisin Sosial siyasət komitəsinin iclasında “Məşğulluq haqqında” qanuna əlavə və dəyişiklik müzakirəyə çıxarılıb.

Dəyişikliyə əsasən, 14-cü maddədə “Azərbaycan Respublikası vətəndaşlarının xarici ölkələrdə işə düzəlmələrində vasitəçilik fəaliyyəti ilə qanunvericiliklə müəyyən olunmuş qaydada müvafiq icra hakimiyyəti orqanından xüsusi razılıq alan hüquqi və fiziki şəxslər məşğul ola bilərlər” mətnindən “və fiziki” sözləri çıxarılır. Maddənin özü isə bundan sonra 14.1 hesab edilir.

Bunan başqa maddəyə 14.2-ci hissə əlavə edilir və orada göstərilir: “Azərbaycan Respublikası vətəndaşlarının xarici ölkələrdə işə düzəlmələrində fiziki şəxslərin vasitəçilik fəaliyyəti qadağandır”.

Layihə Milli Məclisin plenar iclasına tövsiyə olunub./Apa/

Ölkə.Az