Bu gün partiya sədrinin doğum günüdür

Ağazadə İqbal Fehruz oğlu 1968-ci sentyabrın 18-də Füzuli rayonunda anadan olub.

1975-1985-ci illərdə Bakı şəhəri,S.C.Pişəvəri adına 4 saylı fars təmayüllü məktəbdə təhsil alıb. 1986-1988-ci illərdə Sovet Ordusu sıralarında xidmət edib.

1989-1994-cü illərdə Bakı Dövlət Universitetinin Şərqşünaslıq fakultəsində, 1992-1997-ci illərdə Kiyev Dövlət Universitetinin hüquq fakultəsində təhsil alıb.1992-ci ildə Azərbaycan Respublikası ərazi bütövlüyünün bərpası uğrunda tələbələrdən ibarət könüllülərin komandiri kimi Ağdərə, Tərtər, Ağdam, Goranboy bölgələrindəki döyüşlərdə iştirak edib.Qarabağ müharibəsi veteranıdır.1994-1995-ci illərdə Bakı Dövlət Universitetində, 1995-1997 –ci ilərdə Bakı Asiya Universitetində fars dili və politologiyanı tədris edib.1998-2000-ci illərdə Qarabağ Uğrunda Umumazərbaycan Hərəkatının yaradıcılarından biri və Hərəkatın İdarə Heyətinin sədri olub.

İkinci Çağırış Azərbaycan Respublikası Milli Məclisinə seçkilərdə 10 saylı Xətai ikinci Seçki Dairəsindən millət vəkili seçilib.2002-ci ilin dekabrından Ümid Partiyasının sədridir.15 oktyabr 2003-cü ildə keçirilən prezident seçkilərinin saxtalaşdırılmasına etiraz edərək küçələrə çıxan dinc insanların önündə olub.16 oktyabr 2003-cü ildə seçki saxtakarlıqlarına etiraz edən mitinqçilərlə polis arasında baş verən toqquşmanın təşkilatçılığında ittiham olunaraq 17 oktyabr 2003-cü ildə deputat toxunulmazlığı qeyri-qanuni olaraq götürülərək həbs edilib.

17 ay siyasi məhbus kimi həbsdə olub, 20 mart 2005-ci ildə əfv fərmanı ilə azadlığa çıxıb. 30 iyun 2005-ci ildə Nərimanov Rayon Məhkəməsi onun üzərindən məhkumluğunu götürüb.

2005-ci il noyabrın 6-da 35 saylı Xətai üçüncü seçki dairəsindən deputat seçilmişdir. Milli Məclisin İnsan hüquqları daimi komissiyasının üzvüdür. Azərbaycan-Braziliya parlamentlərarası əlaqələr üzrə işçi qrupunun rəhbəri, Azərbaycan-İordaniya, Azərbaycan-Türkiyə parlamentlərarası əlaqələr üzrə işçi qruplarının üzvüdür.Milli Məclisin İnsan Haqları Komissiyasının üzvü, Braziliya-Azərbaycan dostluq qrupunun sədri, Türkiyə-Azərbaycan, İordaniya-Azərbaycan dostluq qruplarının, Dünya Azərbaycanlıları Konqresinin üzvüdur.Rus, fars və ingilis dillərini bilir.