Azərbaycanlı deputat köhnə himnin bərpasını təklif etdi

Millət vəkili, teleaparıcı Etibar Hüseynov Azərbaycan SSRİ-nin himnini bərpa etmək təklifini irəli sürüb.

Ölkə.Az xəbər verir ki, Etibar Hüseynov bu barədə Facebook profilində yazıb.

Millət vəkili bunun bariz nümunəsi kimi rusların illər sonra Aleksandrovun müəllifi olduğu SSRİ nin himninin sözlərini dəyişib yenidən Rusiyanın himni kimi bərpa etməsini göstərib.

"Artıq illərdir ki, sentyabrın 18-i dahi Üzeyir Hacıbəylinin anadan olduğu gün, həm də "Milli Musiqi Günü" kimi də qeyd olunur. Hələ 2 il əvvəl Milli Məclisdə təklıf etmışdim ki, Üzeyir bəyin xatirəsinə hörmət əlaməti olaraq Azərbaycan SSR in himnini Bakinin himni kimi bərpa edək. Təbii ki, sözlərindən imtina etməklə. Digər tərəfdən də, minus variantda himn daha möhtəşəm səslənir. Dünyanın bütün iri şəhərlərinin gerbi, himni, bayrağı var. Nədən bizdə olmasın? Ruslar illər sonra olsa da Aleksandrovun müəllifi olduğu SSRİ nin himninin sözlərini dəyişib yenidən Rusiyanın himni kimi bərpa etdilər. Ancaq bizdə bu cürə möhtəşəm əsər tarixin arxivində itib batıb.

Bu himnə diqqətlə qulaq asın. Möhtəşəmdi, həm də Bakımızın da adına layiqdi. Nəyi gözləyirik..?"- deyə millət vəkili qeyd edib.

Həmin himni sizlərə təqdim edirik.

Rəşid Mustafazadə

Ölkə.Az