“Yaşıl Məktəb” layihəsi əhatəsini genişləndirir

Gənclər üçün Təhsil Mərkəzi (GTM) Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə “Yaşıl məktəb” layihəsinin 2-ci mərhələsini davam etdirir.

Regionlarda məktəblilərin yay tətilinin səmərəli təşkili, habelə ətraf mühitin qorunmasındatəhsil müəssisələrinin və orada təhsil alanların rolunu gücləndirmək, onlar arasında ekolojitəfəkkürü artırmaq məqsədi daşıyan layihə Gəncə, Mingəçevir və Ağcabədidə icra olunur. Layihənin ilkin mərhələsində adları çəkilən regionların orta məktəblərində ekoloji maarifçilik işini yüksəltmək məqsədilə təlim proqramı təşkil olunmuş, məktəblilərdən ibarət işçi qruplar formalaşdırılmışdır. Yeni mərhələdə isə hər bir regionun 10 məktəbində məktəblilərin iştirakı ilə ekolojiaksiyaların keçirilməsinə, iməcliklərin təşkil olunmasına və digər tədbirlərin keçirilməsinəbaşlanılmışdır. Artıq Ağcabədi rayonunda məktəblilərin hazırladıqları yüzlərlə quş yuvası təhsilocaqlarının həyətində və onların ətrafında xüsusi yerlərə bərkidilmişdir.Məktəblilərin ekoloji təfəkkürünü artırmaq və cəmiyyətə ekologiyanın qorunması üçünkonkret mesajlar vermək məqsədilə açıq havada rəsm müsabiqələri də keçirilmişdir. Hazırda müvafiq işçi qruplar tərəfindən hədəf məktəblərdə ekoloji divar qəzetlərininhazırlanması həyata keçirilir. Yeni tədris ilinin başlanğıcından bu qəzetlər məktəblilərlə yanaşı,yerli əhalinin də ekoloji maariflənməsinə xidmət göstərəcək. Bunun üçün ekoloji divar qəzetləriməktəblərin həyətlərində və binanın daxilində asılacaqdır.

Ölkə.Az