Azərbaycanda Beynəlxalq yoqa günü belə keçirildi

Azərbaycan da bu bayramdan kənarda qalmayıb.

Ölkə.Az xəbər verir ki, “Art of Living Azərbaycan”-nın təşkilatçılığı və Hindistanın Azərbaycandakı səfirliyinin dəstəyi ilə Bakıda 21 iyun Beynəlalq Yoqa Günü qeyd edilib.

Hindistan səfirliyinin müvəqqəti işlər vəkili bütün qonaqları salamlayaraq bu bayramla təbrik etdi və yoqa tarixindən bəhs edən video çarxı nümayiş etdi. Tədbirin əyləncəli hissəsi “Metropark” Əyləncə-Ticarət Mərkəzində keçirilib.

Yoqa təlimçiləri Tatyana Camalova və Şərqiyə Əfəndiyeva açıq yoqa-dərs keçirərək insanlara yoqa hərəkətləri nümayiş etdirmişdirlər və onların xeyrini aşılayıblar. Açıq yoqa dərslərdə həm böyüklər, həm də uşaqlar iştirak edərək yoqanın nə olduğunu hiss etdiriblər.

Qeyd edək ki, tədbirin aparıcıları Sevinc Asifqızı və Mister Həppi (Mr_Happy) olmuşdur. Gimnastika üzrə idman ustası Fərid Kazakov, Səbinə Əzimzadənin rəhbərliyi ilə “Köhnə Bakı” rəqs qrupu, Mr_Happy və Çindən təşrif buyuran Li Tian öz məharət və bacarıqlarını maraqlı musiqi və rəqs nömrələrində nümayiş etdirirdilər. Bundan əlavə tədbirdə Hədiyyəli Viktorina keçirilmiş və xüsusi reseptlə hazırlanmış şirniyyatlar da paylanıb.

Tədbirin sonunda isə birlik rəmzi olan”Yallı” rəqsinin sədaları altında bütün insanların birgə rəqs etməsi bu bayrama xüsusi bir çalar bəxş edib.

Qeyd edək ki, 11 dekabr 2014-cü il tarixindən etibarən BMT Baş Asambleyasının qərarı ilə hər il 21 iyun Beynəlxalq Yoqa Günü kimi qeyd olunacaq. Rezolusiyada bildirilir ki, yoqa sağlamlıq və firavanlığa kompleks şəkildə yanaşır. Bu il bu bayrama dünyanın 177 ölkəsi qoşuldu. Avropa, Asiya, Amerika, Afrika ölkələri xüsusi bir təntənə ilə bu bayramı keçirdi.