Dəmir yolu vağzalında kassaların yeri dəyişdirildi

“Azərbaycan Dəmir YollarI” QSC tərəfindən Bakı sərnişin vağzalında əsaslı təmir işlərinə başlanılıb.

Ölkə.Az ANS TV-yə istinadən xəbər verir ki, bu barədə qrumun mətbuat xidmətindən məlumat verilib. Təmir işləri çərçivəsində stansiyada yeni platformalar qurulub, yollar Avropa standartlarana uyğun şəkildə tam təmir edilib.

“Bakı sərnişin vağzalıda iki yeraltı tunel inşa olunur. İnşa olunan tunellər vasitəsilə qatardan düşən hər bir sərnişin bir başa “28 May” metro stansiyasına çıxış əldə edə biləcəklər. Burada həm sərnişinləri təhlükəsizliyi, həm də sərnişinlərin rahatlığı nəzərə alınıb.

Qeyd etdiyim ki, sərnişinlər tunellər vasitəsilə “28 May” metro stansiyasına çıxış əldə etməklə istədikləri digər istiqamətlərə hərəkət edə biləcəklər”,– deyə “Azəbaycan Dəmir Yolları” QSC-nin mətbuat xidmətinin rəhbəri Nadir Əzməmmədov bildirib.

Bakı sərnişin stansiyasında təmir işləri çərçivəsində bilet satışı kassalarının da yeri artıq dəyişdirilib. Sərnişinlər bundan sonra biletləri birinci mərtəbədən yox, ikinci mərtəbədən ala biləcəklər.

Həmçinin təmir işləri zamanı stansiya ərazisində ictimai iaşə obyektlərinin də tikintisi planlaşdırılır.

“Gələcəkdə Bakı sərnişin vağzalında müasir standartlara cavab verə biləcək kassaların, iaşə abyektlərin inşası planlaşdırılır. Eyni zamanda vağzalda “Wi-Fi” sistemi istifadəyə veriləcək. Yəni sərnişinlərin rahatlığı üçün lazım olan bütün şərait yaradılacaq.

Nəticədə Bakı sərnişin vağzalı dünya standartları səviyyəsinə gətiriləcək”, – deyə, N.Əzməmmədov vurğulayıb.

Qeyd edək ki, Bakı sərnişin stansiyasında təmir işlərinin ilin sonuna kimi başa çatdırılması nəzərdə tululur.

Ölkə.Az