Həlak olan hərbçimiz iki uşaq atası imiş

İyunun 23-də Azərbaycan-Ermənistan dövlət sərhədinin Qazax rayonu sahəsində qoşunların təmas xəttində, dağ-meşə şəraitində yolu azan müddətdən artıq həqiqi hərbi xidmət hərbi qulluqçusu kiçik çavuş Musayev Musa Sabir oğlu "Lider" telekanalının keçmiş əməkdaşı, idman şərhçisi Pərviz Musayevin qohumu imiş.

Ölkə.Az xəbər verir ki, bu barədə P.Musayev sosial şəbəkədə qeyd edib. O, bildirib ki, Musa Musayev əmisinin nəvəsidir:

"Təəssüf... Əmim nəvəsinin və digər hərbçimizin minalanmış sahədə meyiti tapılıb. İki körpəsi yetim qaldı. Allah rəhmət eləsin".

Qeyd edək ki, M.Musayevdən başqa digər kiçik çavuş Yolçuyev Tural Sahib oğlunun axtarışları Beynəlxalq Qızıl Xaç Komitəsinin vasitəçiliyi ilə həyata keçirilib.

Hər iki hərbi qullquçumuzun meyiti qarşı tərəfdə minalanmış sahədə aşkar edilib. Görülən tədbirlər nəticəsində cəsədlər ərazidən çıxarılıb və aidiyyəti üzrə təhvil verilib.

İntiqam VALEHOĞLU
Ölkə.az