İki uşaq atası olan şəhid çavuşumuzun

Ölkə.az iyunun 23-də Azərbaycan-Ermənistan dövlət sərhədinin Qazax rayonu sahəsində qoşunların təmas xəttində, dağ-meşə şəraitində yolu azan müddətdən artıq həqiqi hərbi xidmət hərbi qulluqçusu kiçik çavuş Musayev Musa Sabir oğlunun fotosunu əldə edib.

Qeyd edək ki, Musayev 1981-ci ildə Qazax rayonunda anadan olub. Mərhum çavuşun 5 və 7 yaşında iki övladı var.

Xatırladaq ki, M.Musayevdən başqa digər kiçik çavuş Yolçuyev Tural Sahib oğlunun axtarışları Beynəlxalq Qızıl Xaç Komitəsinin vasitəçiliyi ilə həyata keçirilib.

Hər iki hərbi qullquçumuzun meyiti qarşı tərəfdə minalanmış sahədə aşkar edilib. Görülən tədbirlər nəticəsində cəsədlər ərazidən çıxarılıb və aidiyyəti üzrə təhvil verilib.

İntiqam VALEHOĞLU
Ölkə.az