Mətn ölçüsü:
  • 100%

Ordu, media və incəsənət Qarabağda görüşdülər

Yolumuz Qarabağa, Ağdamadır. Ön xəttə, cəbhədə əsgərlərlə görüşə gedirik.

Müğənnilər, rəqqaslar, jurnalistlər ilə birlikdə Ağdama yola düşürük. Saat 15:00-da tədbirimiz başlamalıdır. Öncə Ağdamın girişindəki abidənin qarşısında düşürük. Qarabağ döyüşlərində şəhid olanların və Ağdamdan olan Milli Qəhrəmanlarımızın şərəfinə qoyulan abidəni ziyarət edirik.

Bilənlər bilir, bilməyənlərə də xatırladaq ki, Ağdam Qarabağ müharibəsi zamanı 6 minə yaxın şəhid verib. Abidəni ziyarət edib yola düşürük N saylı hərbi hissəyə. Hərbi hissəyə çatanda hər şeyin hazır olduğunu görürük. Əsgərlərimiz bizi gözləyir. Sənətçilərimizi görən əsgərlərimizin sevincinin həddi-hüdudi yox idi.

Hərbi xidmətin çətini asanı olmur. Xidmət harda olsa xidmətdir, ancaq cəbhədə, döyüş xəttində xidmət etmək daha məsuliyyətli, daha ağır və daha şərəflidir.

Flora Kərimova, Rəmiş, Baloğlan Əşrəfov, Yusif Mustafayev, Əli Mirəliyev, "Kolorid" rəqs qrupu, yumorist Fərda və digərləri əsgərlərimizlə görüş üçün kimisi işini, kimisi toyunu təxirə salıb gəlmişdilər. Daha sonra məlum oldu ki, tədbirin təşkilatçıları əsgərlərlə görüşə incəsənət aləmindən demək olar hər kəsi dəvət etmişdilər. Anacaq onlardan bəziləri, biri "toyum var beh almışam", biri "xaricə gedirəm" deyib min bir bəhanə gətirərək gəlməkdən boyun qaçırıb. Təəccüblü isə odur ki, həmin adını sənətçı qoyanlar efirdən bütün günü insanlara dərs keçməyə çalışırlar.

Tədbir başlayır, öncə komandir heyəti gəlişimizə bizə görə təşəkkür edir və sənətçilərimiz öz musiqi töhfələrini əsgərlərimizə təqdim edirlər. Əsgərlərimiz musiqi sədaları altında rəqs edir, əylənirlər, sanki bir anlıq hərbçi yox mülkü həyatlarına dönürlər. Tədbir 3 saat nəzərdə tutulsa da 5 saata yaxın davam etdi. Nə sənətçilərimiz əsgərlərdən, nə də əsgərlərimiz sənətçilərimizdən ayrılmaq istəyirdi. Amma hərbi nizam-intizam önəmli olduğu üçün görüş yekunlaşdırılır. Əsgərlərimiz yenə sənətçilərimizi sakit buraxmırlar, onlarla söhbət edir, xatirə şəkili çəkdirirlər. Əsgərlərimizə o çətin və şərəli vəzifələrində ruh yüksəkliyi vermək ayrı bir hissdir. Bu tədbir zamanı hər bir kəsin üzündən bu hissləri duymaq mümkün idi.. Sonda əsgərlərimizlə vidalaşıb hərbi hissəni edirik. 

"Biz Qarabağlıyıq" tədbirini təşkil etdiyi üçün isə karabakhinfo.com saytına və onun bütün kollektivinə təşəkkür etməyi özümüzə borc bilirik.

Səxavət Məmməd

Ölkə.az