Sabah şagirdlərə akademiklər dərs deyəcək
Sentyabrın 15-də, Bilik günü Azərbaycan Respublikasının Prezidenti yanında Bilik Fondu orijinal aksiya həyata keçirəcək.
Fonddan verilən məlumata görə, akademiklər, professorlar, elmlər namzədələri, ictimai həyatda tanınmış şəxslər ölkənin 75 məktəbində ikinci dərsin müəllimləri olacaqlar.
75 məktəb sırasında ucqar dağ kəndlərinin də olduğu bildirilir.
Xatırladaq ki, sabah Bilik Fondunun xətti ilə orta məktəblərə gedən ziyalılar Nuru paşanın başçılığı altında Qafqaz İslam Ordusunun 1918-ci il sentyabrın 15-də Bakını işğaldan azad etməsi tarixi barədə şagirdlərə bilgi də verəcəklər. (axar.az)
