Rayon maşınları Bakıya nə vaxt buraxılacaq?
Xatırlayırsınızsa I Avropa Oyunları ilə əlaqdər rayon qeydiyyatında olan maşınların Bakı şəhərinə girişinə qadağa qoyulmuşdu.
Artıq I Avropa Oyunları yekunlaşdı,bəs rayon maşınları Bakıya nə zaman buraxılacaq?
Bu suala Respublika Baş Dövlət Yol Polisi İdarəsinin Yol hərəkət təhlükəsizliyinin təbliği və İctimaiyyətlə əlaqələr şöbəsinin rəisi Kamran Əliyev Ölkə.az-da cavab verib.
Kamran Əliyevin sözlərinə görə, rayon maşınlarının Bakı şəhərinə buraxılmaması haqqında müraciətdə göstərilən qaydalar hələ ki, iyul ayının 1-nə qədər qüvvədədir. Hökumət bununla bağlı qərar qəbul edərsə, müraciətdə göstərilən bu qaydalar qüvvədə qala bilər.
Qeyd edək ki, I Avropa Oyunları zamanı Bakı şəhərində sıxlığın olmaması üçün rayon maşınlarının Bakı şəhərinə girişinə qadağa qoyulmuşdu. 29 maydan başlayan bu qaydalara iyulun 1-nə qədər əməl ediləcək. Müddətin uzadılıb-uzadılmayacağına isə hökumət qərar verəcək.
Səxavət Məmməd
Ölkə.az