Yüksək bal yığanlar mükafatlandırıldı

Sumqayıtdakı Heydər Əliyev Mərkəzində şəhər İcra Hakimiyyətinin təşəbbüsü, gənclər və idman baş idarəsinin təşkilatçılığı ilə bu il ali məktəblərə qəbul imtahanlarında 600-dən yuxarı bal toplayan gənclərlə görüş keçirilib. 

Baş idarənin rəisi Musa Həsənov və şəhər təhsil şöbəsinin müdir əvəzi Vaqif Ələkbərov çıxış edərək qəbul imtahanlarında yüksək nailiyyət əldə etmiş gəncləri təbrik edərək onlara uğurlar arzulayıblar. Bildirilib ki, əsası müstəqil Azərbaycan dövlətinin memarı və qurucusu Heydər Əliyev tərəfindən qoyulmuş dövlət gənclər siyasəti bu gün Prezident İlham Əliyevin rəhbərliyi ilə ardıcıl və məqsədyönlü şəkildə davam etdirilir.

Qeyd olunub ki, məhz bu qayğının nəticəsidir ki, sumqayıtlı gənclərin uğurları ildən-ilə artmaqdadır. 

Sonra ali məktəblərə yüksək nəticələrlə qəbul olunmuş gənclərə gənclər və idman baş idarəsinin plaketləri və gül buketləri təqdim edilib.(qafqazinfo.az)

Ölkə.Az