Azərbaycanlılar Gürcüstana səfər edənlər arasında ikinci yerdədirlər

2015-ci ilin yanvar ayından iyun ayına qədər Gürcüstana səfər edənlərin sayı 2 milyon 332 min 303 nəfərdən ibarət olub, bu isə keçən ilin göstəricisindən 3,5% çoxdur.

Bu barədə Gürcüstanın DİN analitik-informasiya departamenti bildirib.

Səfər edənlərin 853 min 605 nəfəri turist, 536 min 918 nəfəri isə Gürcüstanda tranzit ilə olublar.

Bununla yanaşı yalnız iyunda Gürcüstana səfər edənlərin 496 min 798 nəfər olub, bu isə 2014-cü ilin göstəricisindən 9,3% çoxdur. Birinci yerdə Türkiyə vətəndaşları olub. Onlardan sonra Azərbaycan, Ermənistan, Rusiya və Ukrayna gəlir.

Aİ ölkələri arasında Litva, Almaniya, Çexiya, Böyük Britaniya və Niderland liderlik edir.oxu.az

Ölkə.Az