Vahid Qədim yüksək rütbəli məmurun yaxın qohumuna da "atıbmış"

Ölkə.az hazırda axtarışda olan tanınmış meyxanaçı Vahid Qədimin borclu olduğu şəxslərdən daha birinin kimliyini dəqiqləşdirib.

Məlum olub ki, o, yüksək rütbəli şəxslərdən birinin yaxın qohumuna da əlli min manat borcludur. Yüksək rütbəli məmur qohumunun və özünün adının hallandırılmasını istəməyən şəxs saytımıza bunları deyib:

"Vahidlə eyni məhəllədə yaşayırdıq. Məndən borca əlli min manat istədi. Mən də özümdə olmadığına görə başqa bir adamdan tapıb verdim. İndi isə aradan çıxıb. Mən də borc yiyəsinə nə deyəcəyimi bilmirəm. Əsəbdən yataq xəstəsi olmuşam. Anası və qardaşı burada yaşayır. Onlara deyirəm, deyirlər ki, yoxdur, vurun öldürün".

Qeyd edək ki, Vahid Qədim barəsində (Səfərov Vahid Ağabala oğlu) Cinayət Məcəlləsinin 178-ci maddəsi ilə cinayət işi başlanılıb və barəsində axtarış elan olunub.

İntiqam VALEHOĞLU
Ölkə.az