Bakıda tanışını qətlə yetirən şəxsin məhkəməsi başlayır

Bakıda tanışını qətlə yetirməkdə təqsirli bilinən Şəmşad Əhmədovun cinayət işi üzrə ibtidai istintaq başa çatıb.

"Ölkə.Az"xəbər verir ki, cinayət işinin materialları baxılması üçün Bakı Ağır Cinayətlər Məhkəməsinə göndərilib.

Cinayət işi hakim Cavid Hüseynov icraatına verilib.

Məhkəmənin hazırlıq iclası yaxın günlərdə keçiriləcək.

Qeyd edək ki, hadisə bu ilin yanvarında paytaxtın Nərimanov rayonu, Əliyar Əliyev küçəsində qeydə alınıb.

Belə ki, 1974-cü il təvəllüdlü Ş.Əhmədov şəxsi münasibətlər zəmnində aralarında yaranan mübahisə zamanı bıçaqla tanışın, 1977-ci il təvəllüdlü İsa Əbdüləzimova xəsarətlər yetirərək qətlə yetirib.

Ş.Əhmədov şübhəli şəxs qismində tutularaq istintaqa cəlb edilib.

Onun barəsində Cinayət Məcəlləsinin 120.2.2-ci (Qəsdən adam öldürmə, xuliqanlıq niyyəti ilə adam öldürmə) maddəsi ilə ittiham irəli sürülüb.