\"İşlə bağlı övladlarımızla məşğul ola bilmirik, məndə də oxşar situasiyadır\" - Nazir

“Məktəbəqədər yaşda biz ailələrdən, valideynlərdən çox asılıyıq. Çünki məktəb və ailə uşağı birgə böyütməlidir.  Bu tək məktəbin rolu deyil”. 

Ölkə.Az xəbər verir ki, bunu təhsil naziri Emin Əmrullayev deyib. O bildirib ki, məktəb ailəyə dəstək üçün var:

“Amma yenə də ailənin rolu danılmazdır. Ev və ailə mühitinin elementləri olduqca vacibdir. Ev mühitində elə də pul, maddi resurs tələb etməyən, amma uşağın inkişafına təsir edə biləcək çox şeylər var. Valideyn sadəcə olaraq bir-iki saatını uaşağa ayırmalıdır. Başa düşürəm, məndə də oxşar situasiyadır. İşlə bağlı övladlarımla və ya kimsə öz övladları ilə məşğul ola bilmirik. Amma yenə də bunun insanın inkişafında rolu çox böyükdür. Bunlar ünsiyyətin, əməkdaşlığın, düşüncənin, qarşılqlı anlaşnmanın formalaşmasında rol oynayır”.

Billurə Yunus