Aİ ATƏT-in Minsk qrupunun formatını dəstəkləyir
Avropa İttifaqının Cənubi Qafqaz və Gürcüstanda böhran üzrə xüsusi nümayəndəsi Herbert Zalber çərşənbə günü Ermənistan prezidenti Serj Sarkisyan ilə baş tutan görüşündə Aİ-nın Qarabağ münaqişəsinin tənzimlənməsinə dair ATƏT-in Minsk qrupu (MQ) formatında keçən danışıqları dəstəklədiyini təsdiqləyib.
Oxu.Az bu barədə erməni KİV-nə istinadən xəbər verir.
Zalber vurğulayıb ki, bu formatın saxlanmasına dair Aİ-nın mövqeyi dəyişməz olaraq qalır, bu barədə erməni dövlətinin rəhbərinin mətbuat xidməti bildirib.
“Söhbət zamanı Qarabağ münaqişəsinin sülh yolu ilə tənzimlənməsinin indiki mərhələsində regionda təhlükəsizlik və sabitliyə dair məsələlər, tənzimlənmə prosesində inkişafa istiqamətlənmiş mümkün səylər, eləcə də Ermənistan və Aİ arasında əməkdaşlığın inkişafı müzakirə edilib”, - məlumatda deyilir.
