“National Geographic Azərbaycan” jurnalının iyul sayı artıq satışdadır

“National Geographic Azərbaycan” jurnalının iyul sayı işıq üzü gördü!

Jurnalın bu sayında müasir dünya tarixinin ən parlaq və ziddiyyətli şəxsiyyətlərindən biri Mahatma Qandinin fəaliyyəti, kainatın yaranma sirlərini araşdıran alimlərin qara materiya axtarışları, dünyanı qorxuya salan ebola virusunun yaranma və yayılma sirləri, roma imperatoru Trayanın şərəfinə ucaldılmış Trayan sütunu, ABŞ-ın iri şəhərlərində inkişaf edən furqon-yeməkxana biznesi barədə oxuya bilərsiniz.

Qeyd edək ki, “Qandinin izi ilə” məqaləsi üçün fotoşəkillərin müəllifi dünyaca məşhur fotoqraf, həmvətənimiz Rəna Əfəndidir.

Həmçinin, “Tədqiqat” rubrikasında artıq ənənə halını almış “yerli məqalələr” silsiləsində bu dəfə Qobustanda alternativ enerji əldə olunması istiqamətində işə salınmış pilot-layihə barədə məlumat əldə edə bilərsiniz.

Hər zamankı kimi, peşəkar, təsirli və yaddaqalan fotoşəkillər bu sayımızı da bəzəyir.

Xatırladaq ki, dünyaca məşhur “National Geographic” brendi Azərbaycana 2014-cü ilin mart ayında “Garant Media Holding”in təşəbbüsü ilə gətirildi və “National Geographic Azərbaycan” jurnalı ilk buraxılışını sentyabrın 1-də Heydər Əliyev Mərkəzində təntənəli şəkildə təqdim etdikdən sonra dərgi ölkənin bütün satış nöqtələrinə çıxarıldı.

Jurnalı istənilən satış nöqtəsindən ala bilməklə yanaşı, ona həm də abunə olmaq mümkündür.

Dərginin satış qiyməti 4 manat təşkil edir. Bu qiymətə Azərbaycanın istənilən nöqtəsinə çatdırılma da daxildir.

Jurnala 012 563 56 25 (daxili nömrə 302) telefon nömrəsi ilə zəng edib abunə yazılmaq olar.

Ölkə.Az