Azərbaycanda sərxoş öz evini yandırdı

Şabran rayon sakini evini yandırıb. 

Ölkə.Az Daxili İşlər Nazirliyinin mətbuat xidmətinə istinadən verdiyi məlumata görə, sentyabrın 7-də saat 02:00 radələrində əvvəllər məhkum olunmuş Məhəmməd Seydiyevin Şabran şəhəri Əzizbəyov küçəsindəki evi əşyaları ilə birlikdə yanaraq külə dönüb.

Araşdırmalar zamanı məlum olub ki, Məhəmməd Seydiyev həmin günü evə sərxoş halda gəlib. O, naməlum səbəbdən evini yandırıb.

Qeyd edək ki, Məhəmməd Seydiyev əvvəllər məhkumluq həyatı yaşayır.

Şabran rayon Polis Şöbəsi əməkdaşları tərəfindən evə baxış zamanı 12,46 qram marixuana aşkar edilərək götürülüb.

Faktla bağlı araşdırma aparılır.

Ölkə.Az