Bakı dairəvi yolunda nəqliyyatın hərəkəti tam bərpa olundu

Sentyabrın 4-dən 5-nə keçən gecə Bakı dairəvi yolunun Beynəlxalq Avtovağzal adlanan ərazisindən yolun 8-ci km-ə qədər olan hissəsində (“Sədərək” ticarət mərkəzinədək) nəqliyyatın hərəkəti bərpa olunub

Bu barədə Nəqliyyat Nazirliyi “Azəryolservis” ASC-nin mətbuat xidmətinin rəhbəri Pünhan Mürsəliyev bildirib.

Onun sözlərinə görə, yolun qeyd olunan hissəsində asfalt-beton örtüyünün aşınma qatının yenilənməsi və xətlənmə işləri nəzərdə tutulan müddətdə başa çatdırılıb.

Xatırladaq ki, Bakı dairəvi yolunun qeyd olunan hissəsi təmir işləri ilə əlaqədar avqustun 24-dən 25-ə keçən gecə bağlanıb./Apa-economics/

Ölkə.Az