Müsavat rəhbərliyi yenidən Abutalıbova müraciət etdi

"Qurultay öncəsi Müsavat partiyasında proseslər normal şəkildə gedir. Həm başqanlığa, həm mərkəzi nəzarət-təftiş komissiyasına, həm də Məclis üzüvlüyünə namizədlərin qeydə alınma prossesi uğurla davam edir". 

Bu sözləri Ölkə.az-a Müsavat Partiyası başqanının müavini Gülağa Aslanlı deyib.

Gülağa Aslanlının sözlərinə görə, həm qeydə alınmış, həm də potensial namizədlər təbliğat kompaniyalarına başlayıblar.

Başqan müavini onu da bildirdi ki, dünən Bakı şəhər icra hakimiyyətinə növbəti dəfə, yer ayrılması üçün məktubla müraciət edilib. Məktub qəbul olunub və icra hakimiyyətindən cavab gözlənilir.

Qeyd edək ki, Tural Abbaslıdan başqa hələ ki, başqanlığa rəsmi namizəd qeydə alınmayıb.

Səxavət Məmməd

Ölkə.az