“Sosial kənd”-ə yekun vuruldu

Sosial aktivliyinin təşviqinə təkan verəcək əhəmiyyətli bilgilər verilib.

Ölkə.Az xəbər verir ki, 5 aprel 2015 – 5 iyul 2015 tarixləri aralığında Azərbaycan Respublikasının Prezidenti yanında Gənclər Fondunun dəstəyi ilə respublikamızın iki müxtəlif bölgəsində gənc fəal "Sosial kənd" layihəsi icra edilib.

Layihə rəhbərinin verdiyi məlumata görə, həyata keçirilən tədbirlər çərçivəsində Qəbələ və Ağdam rayonlarında İKT-nin təbliği ilə əlaqədar müxtəlif səpkili təlimlər reallaşdırılıb. Təlimlər zamanı gənclər arasında sosial şəbəkələrdən düzgün şəkildə istifadə bacarıqları aşılanıb, layihə iştirakçılarına region gənclərinin sosial aktivliyinin təşviqinə təkan verəcək əhəmiyyətli bilgilər verilib.

Yekunda layihə iştirakçılarına xüsusi hazırlanmış çap materilları, eyni zamanda İKT-nin təşviqinə hesablanmış ilkin məlumatların əks olunduğu DVD disklər paylanıb.

Qeyd edək ki, layihə “Prezident təqaüdçüləri” Gənclər Birliyinin , Azərbaycan Respublikasının Gənclər və İdman Nazirliyinin Qəbələ və Ağdam rayon idarələri, Qəbələ və Ağdam rayon İcra Hakimiyyətlərinin təşkilati ilə həyata keçirilib.

Ölkə.Az