Azərbaycan bayrağına qarşı hörmətsizlik

Sentyabrın 12-dən 28-dək Azərbaycanda ilk dəfə olaraq Beynəlxalq Hindistan Sərgisi keçiriləcək.

Sərginin möhtəşəm olacağı gözlənilsə də, reklam lövhələrində buraxılmış səhv kütləvi informasiya vasitələrində xeyli müzakirəyə səbəb olub.

Reklam lövhələri artıq uzun müddətdir ki, quraşdırılıb. Nəzərə alsaq ki, reklamın dizaynı hazır olduqdan sonra baxışdan keçirilir. Təəssüf ki, kobud səhv heç kimin diqqətini cəlb etməyib. Səbəbi öyrənmək üçün lövhənin üzərindəki telefon nömrəsilə əlaqə saxladıq.

Hindistan vətəndaşı olan şəxs lövhələrin yerli reklam şirkətinə aid olduğunu dedi və hadisə ilə bağlı təəssüf hissi keçirdiyini bildirdi. Səhər saatlarından artıq lövhələr dəyişdirilir. Reklam şirkətinin adını və telefon nömrəsini isə təqdim etməkdən imtina etdi. Lövhə üzərində Azərbaycan bayrağının olmamasının səbəbini soruşduqda isə maraqlı cavab aldıq.

"Hindistan bayrağının yanında Azərbaycan sözü yazılıb və bu səbəbdən də bayraq qoyulmayıb. Diqqəti Hindistana yönəltmək istədik", - deyə bildiridi. (ANS TV)

Ölkə.Az