Bacı məhkum qardaşına telefon ötürə bilmədi

Bakıda bacının məhkum qardaşına telefon ötürmək cəhdinin qarşısı alınıb

Penitensiar xidmətin İctimaiyyətlə əlaqələr şöbəsindən Ölkə.Az-a verilən məlumata görə, hadisə 11 saylı cəzaçəkmə müəssisəsində baş verib. 

Ədliyyə Nazirliyinin Penitensiar xidmət əməkdaşları tərəfindən həyata keçirilmiş axtarış-baxış tədbirləri nəticəsində cəza çəkən məhkum Elşən Əli oğlu Hüseynovun yanına qısamüddətli görüşə gəlmiş bacısı, vətəndaş Sevinc Əli qızı Hüseynovanın görüş otağında üzərinə və əşyalarına baxış keçirilib.

Baxış zamanı S.Hüseynovanın əl çantasının içərisində gizlədilmiş bir ədəd "Nokia E72" markalı mobil telefon aparatı və mobil telefon aparatı üçün nəzərdə tutulmuş bir ədəd elektrik qidalandırıcısı aşkar edilərək götürülüb.

Ölkə.Az