Ət satışı nəzarətə götürüldü
Ramazan bayramı günlərində Gəncə baytarlıq idarəsinin əməkdaşları ət satışı obyektlərinə nəzarəti gücləndiriblər.
İdarənin rəisi Bayandur Rzayev bildirib ki, hazırda şəhərdə 4 bazar və 50-yə yaxın ət satışı mağazası fəaliyyət göstərir. Bu obyektlərdə təxminən gün ərzində 1,5 ton xırda, 3 tona yaxın isə iribuynuzlu heyvan əti satılır. Bayram günlərində gücləndirilmiş iş rejiminə keçən kollektiv hər gün səhər tezdən həmin obyektlərdə olur, ət nümunələri götürərək laboratoriyada müayinədən keçirir. Sevindirici haldır ki, indiyədək heç bir heyvan ətində xəstəlik müşahidə olunmayıb. (AZƏRTAC)
Ölkə.Az
