Bakıda yayılan qəribə görüntülərlə bağlı RƏSMİ AÇIQLAMA

Paytaxt Bakıda yayılan görüntülər sosial şəbəkə istifadəçilərinin diqqət mərkəzinə düşüb.

"Ölkə.Az" xəbər verir ki, müxtəlif rakurslardan qeydə alınan videoda qəribə hərəkətlər edən iki nəfər şəxs əks olunub.

Sosial şəbəkənin bəzi istifadəçilərinin fikrincə, onlar narkotik vasitənin təsiri altında olduğuna görə anlaqsız vəziyyətə düşüblər.

Məsələ ilə bağlı Daxili İşlər Nazirliyinin (DİN) mətbuat xidmətinin KİV və ictimaiyyətlə əlaqələr şöbəsinin rəisi, polis mayoru Elşad Hacıyev Ölkə.Az-a bildirib ki, sözügedən videodakı şəxslər sosial çarx məqasədi ilə bu addımı atıblar.

Qurum sözçüsü faktla bağlı araşdırmanın aparıldığını söyləyib.