Toydan qaçan gəlinin təfərrüatları üzə çıxdı

Kütləvi informasiya vasitələrində toydan qaçan gəlinlə bağlı yayılmış xəbər ictimayəti bir-birinə vurdu.

Təəccübə səbəb olan məqam gəlinin qaçması yox, bacısının gəlin kürsüsündə onu əvəzləməsi idi. Verilən məlumatlara görə, hadisə Oğuzun Muxas kəndində baş vermişdi.

Məlumatın həqiqiliyini öyrənmək üçün adıçəkilən ünvana yollandıq. Bəyin qardaşları deyilənlərin həqiqətə uyğun olmadığını bildirdilər. Məhz bu səbəbdən də müsahibə verməkdən imtina etdilər.

Belə olan təqdirdə kənd sakinlərindən hadisə haqqında məlumat almaq isdədik. Onlar məsələdən xəbərsiz olduqlarını dedilər.

Oğuz Rayon İcra Hakimiyyətinə də müraciət etdik. Ordan isə bildirildi ki, bu, məsələ icra hakimiyyətinin səlahiyyətləri çərçivəsində deyil. Bu, ailənin şəxsi işidir. (ANS TV)

Ölkə.Az