Metro öz havasına işləyir

Yəqin ki, qiyməti, sürəti və rahatlığı ilə fərqlənən Bakı metrosundan istifadə etməyən yoxdur. Amma xüsusi ilə yay aylarında bu nəqliyyat vasitəsi səhhətimiz üçün əmməli başlı problemə çevrilir.

Yay aylarında xüsusi ilə temperatur artdığı vaxtlar, yeratlı nəqliyyat vasitəsi havalandırılmır.

"Hər gün metrodan yarım milyondan çox əhali istifadə edir. Və yəqin ki siz də görmüsünüz, halı pisləşən, təcili tibbi yrdıma ehtiyacı olan şəxsləri. Bəs onlara bu yardım necə göstərilir? VaQonlarda təcili yardım üçün ləvazimatlar varmı?".

“Yayın bu cırhacırında metroda hava yoxdur, deyənlər” haqlı imişlər. Sən demə, qaydalara görə, yerin üstündə hava 35 dərəcədən çox olarsa, yerin altında havalandırma dayandırılır. Yəni kondisonersiz Bakı metrosu, sözün əsl mənasında öz havasına işləyir. Elə bu səbəbdəndir ki, çəkiliş apardığımız vaqonlarda nəfəsi daralan, qapıların açılması ilə özünü çölə atan sərnişinlərin sayı, hesabı yoxdur. Vay o gündən ki, onlardan birinin halı elə vaqonda pisləşsin. Təcili ilkin yardım üçün bir dənə də tibbi ləvazimat yoxdur.

Bakı metrosunda platformalarda bu SOS aparatından başqa heç bir tibbi ləvazimata rast gələ bilməzsiniz. Həzi Aslanov, Neftçilər, Dərnəgül kimi bəzi stansiyalarda tibbi işciləri var. Amma onlar da yalnız qatar sürücülərinin səhhətinə nəzarət edir. Halı pisləşən sərnişinə isə ancaq təcili yardim çağırılır.

Mətbuat xidmətinin rəhbəri Nəsimi Paşayev Bakı metropolitenində bu problemin olduğunu etiraf edir.

Nəticə olaraq deyə bilərik ki, növbəti stansiyaya sağlam çatmaq istəyənlərin həyatı öz əlindədir. Odur ki, günəş işığını yenidən görmək istəyirsinizsə, havasiz metroda halınızın pisləşəcəyini unutmayın və bu vəziyyətə hazır olun.

Yeraltı dünyanın bu problemi kökündən həll olunana kimi ilk yardım vasitələrinizi çantalarınızda daşıyın. (ANS TV)

Ölkə.Az