İlham ve Fərizənin ailəsi Şəhidlər Xiyabanında
Bu gün “Facebook” sosial şəbəkəsində İlham və Fərizənin məzarlarının üzərində natəmizliyi əks etdirən fotoyla bağlı cütlüyün yaxınları Şəhidlər Xiyabanında olublar.
Onlar gələn zaman özləri ilə təmizləyici vasitələr gətirsələr də, xiyabana çatanda artıq məzarların təmiz olduğunu görüblər.
Qeyd edək ki, Bakı şəhər prokurorluğunda Cinayət Məcəlləsinin 245-ci maddəsi ilə cinayət işi başlanıb.
Cinayət işi üzrə istintaqın aparılması Bakı Şəhər Baş Polis İdarəsinin İstintaq idarəsində tapşırılıb.
Hadisəni törədən şəxs və ya şəxslərin müəyyən edilərək məsuliyyətə cəlb edilməsi istiqamətində təxirəsalınmaz istintaq-əməliyyat tədbirləri həyata keçirilir. (qafqazinfo)
Ölkə.Az
