"Fly Travel" şirkəti tanınmış teleaparıcını aldatdı

Tanınmış teleaparıcı İlhamiyyə Rza ölkənin tanınmış turizm şirkələrindən olan "Fly Travel" tərəfindən aldadılıb.

Bu barədə Ölkə.az-a açıqlama verən teleaparıcı "Fly Travel"in onun başına gətirdiyi oyundan danışıb.

 "İzmirdəki hoteldə Suriya qaçqınları kimi dəhlizdə qaldıq. Çox üzgünəm, özümü fiziki, əsəbi və aldanmış hiss edirəm. Bakıya qayıtdıqdan sonra bunları məhkəməyə verəcəm", İlhamiyyə Rza bildirib.

Xatırladırıq ki, tanınmış teleparıcı İlhamiyyə Rza adı çəkilən turizm şirkətinin xətti ilə tətilə çıxıb. Şirkət isə tanınmış teleaparıcını aldadadıb. Hoteldə nömrə problemi, xidmət yetərsizliyinin ucabatından İlhamiyyə xanım uşağı və yanındakı dostları ilə birlikdə saatlarla hotel dəhlizində qalıb.

Məsələni dəqiqləşdirmək üçün adıçəkilən şirkətlə əlaqə saxlamaq cəhdlərimiz isə boşa çıxdı. Şirkətin telefonlarına heç kəs cavab vermədi.

Ölkə.az