Deputat: “Bu, insanların məhkəməyə inamını artıran əsas amildir”

İlin sonuna kimi məhkəmələrdən 1,2 mln qərarın icraya yönlədirilməsi gözlənilir.

“Ölk.Az” xəbər verir ki, bunu deputat Qüdrət Həsənquliyev parlamentdə çıxışı zamanı deyib.

Onun sözlərinə görə, məhkəmələrin ədalətli və ya ədalətsiz qərarlar qəbul etməsi başqa məsələdir. 

“Hakimlər qəbul etdiyi qərara görə məsuliyyət daşıyır. Lakin qəbul olunmuş qərarlar icra olunmalıdır”- o qeyd edib.

Deputat əlavə edib ki, məhkəmə qərarlarının icrası, insanların məhkəməyə inamını artıran əsas amildir: 

“Bu eyni zamanda xarici investorların ölkəyə sərmayə yatırmasına, ümumilikdə isə ölkənin inkişafına öz müsbət təsirini göstərəcək”.

O eyni zamanda hökuməti böyük özəlləşməyə getməyi təklif edib: “Böyük özəlləyə getməklə büdcə gəlirlərini 3-4 dəfə, bəlkə də daha çox artırmaq olar. Düzdür, hökumət bu istiqamətdə çalışır. Amma böyük islahata getmədən iqtisadi inkişaf arzuladığımız səviyyədə olmayacaq”.

Mürtəza
Ölkə.Az