Mətn ölçüsü:
  • 100%

"İş yerini itirməkdən qorxduqları üçün seksual qısnamanı gizlədirlər"

"Psixoloji, iqtisadi, fiziki, cinsi zorakılıqlara yanaşı, bu gün ayrı-seçkiliyin formalarından biri də seksual qısnamadır".

Ölkə.Az xəbər verir ki, bu sözləri Ailə, Qadın və Uşaq Problemləri üzrə Dövlət Komitəsinin sədr müavini Sədaqət Qəhrəmanova “Qadınlara və Qızlara Qarşı Gender əsaslı Zorakılıqla Mübarizə üzrə 16 Günlük Fəallıq Kampaniyası” Media Müstəvisində adlı tədbirdə çıxışı zamanı deyib.

Dövlət Komitəsi rəsmisinin sözlərinə görə,  gender əsaslı zorakılıq insanların qarşılaşdıqları bütün sahələr baş verir. 

"Seksual qısnamadan  zərər çəkmiş qadınlar müxtəlif motivlərlə, iş yerini itirmək qorxusu və s. görə gizli saxlanması bu hərəkətlərin vaxtında aşkar olunmamasına və təqsirkar şəxslərin cəzalandırılmasına imkan vermir. Motivlərdən asılı olmayaraq bu məsələyə müvafiq münasibət göstərən insanlar nəzərə almalıdır ki, onların bu mövqeyi gələcəkdə təqsirli şəxslərin məsuliyyətdən kənarda qalmasına səbəb olmaqla yanaşı bu kimi əməllərin genişlənməsinə rəvac verir", - deyə o söyləyib.
Billurə Yunus