Zahid Oruc kadr çatışmazlığına görə nazirliyi qınadı: \"Səbəb budur\"
Təhsil Nazirliyinin ehtiyacları
Yükdaşımalar sahəsi ölkəmizin əlverişli coğrafi mövqeyi və dövlət başçısının strateji gerçəkləşdirdiyi layihələri, Şimal-Cənub dəhliizi, Şərq-Qərb tranzit qovşağı, Dəmir yolları şəbəkəsi və sairdən baxdıqda ən perspektivli sahə olmalıdır.
“Ölkə.Az” xəbər verir ki, bunu deputat Zahid Oruc parlamentdə çıxışı zamanı deyib.
O xatırladıb ki, ötən ilin dəqiq rəqəmləri dərc olunmadığı üçün təsəvvür yaransın deyə, biz 2019-cu ilin nəticələrindən çıxış edərək ölkəmizin həmin ildə yükdaşımaların 250 milyon ton təşkil etdiyini deyə bilərik: “Daşınan malların 88%-i avtomobil nəqliyyatı, 8.4 faizi dəmir yolu, 3.4 faizi dəniz və 0.1%-I hava nəqliyyatının payına düşür. Lakin büdcəni gəlirdən və vətəndaşları 100 milyonlarla dollar qazancdan məhrum edən, onları Rusiya, Türkiyə və Gürcüstan yükdaşımaçıları qarşısında zəif salan bir neçə amildir. İlk növbədə, iri yükdaşıyan avtomobillərin 2012-ci ilədək avro-5, həmin ildən sonra avro-6 standartlı yanacaq istifadə olunduğu halda neft ölkəsində biz hələ də onu kütləvi istehsal edə bilmirik”.
O əlavə edib ki, maşın parkının köhnəliyi, ehtiyat hissələrinin bahalığı, logistika və anbar, qaraj və digər göstəricilərə malik böyük şirkətlərin yarana bilməməsi, qeyri-rəsmi “dozvol” adlanan sənədlərin alınmasında şəffaflığın olmaması, ixtisaslı kadrların yetişdirilməsində Təhsil Nazirliyinin ehtiyacları öyrənməməsidir. İndi dövlətimizin Vətən müharibəsində qələbəsindən, eləcə də Rusiya-Ukrayna savaşı ilə böyük qitələrarası iqtisadi əlaqələrin köklü dəyişməsindən sonra Zəngəzur dəhlizinin açılmasından daha çox qonşu dövlətlər və özəl kampaniyalar deyil, milli şirkətlərimiz qazanmalıdır”.
Mürtəza
Ölkə.Az